ماموستایێ سەرکەفتی کی یه ؟

د ئەڤرودا ئەرکێ ماموستای چیە ؟

مقالة : المدرس الناجح ....بقلم الأستاذ : سنور عدنان نيروَیي

ب بوونەیا دەسپێکا سالا نوی یا خاندنێ پیروزباهیێ ل هەمی ماموستایان و خوێندکاران دکەم، و چەند رێنمایەکان ببیرا ماموستایێن عەزیز و هەڤپیشە دئینم و زور بگرنگ دبینم ببەرچاڤ بهێنە وەرگرتن.

چەوا دێ شێی بیە ماموستایەکێ سەرکەڤتی؟

..............

ئەنشتاین دبێژیتن:" هونەر وئاست بلندییا ماموستای گەرەنتییا هەبوونا زانیاری وداهێنانانە"، چ گومان نینە هەمی ماموستایەکێ دڤێتن ببیتە ماموستایەکێ سەرکەڤتی، لێ دێ چەوا شێی گەرنتیا ڤێ چەندێ کەی وبیە ماموستایەکێ سەرکەڤتی؟ کیە ماموستایێ سەرکەڤتی؟ سیفاتێت ماموستایێ سەرکەڤتی چنە؟.........؟؟؟؟

__________________________

پیشەیا ماموستا بتنێ کارەک نینە بو بدەست خستنا داهاتێ روژانە، بەلکو بەرپرسیارەتیەکا مەزنا مروڤی، ویژدانی، ئەخلاقی، یاسایی، نیشتمانی، ئاینییە.

ئەگەر ماموستا بگەهاندنا زانیاریان بو قوتابیان کێمتەرخەم بیتن، دەرئەنجام ژدەست دانا داهاتیێ قوتابییە تا دگەهیتە هەرفاندن و ژناڤچوونا جڤاکی یە، ئەڤە ژی وەکی وێ چەندێ یە ئەندازیارەک یان هوستایەک ددروستکرنا بناغەیێ ئاڤاهیدا کێمتەرخەمیێ بکەتن ولدیڤدا هەرڤتنا ئاڤاهی بهێتن بسەر خێزانێ دا.

----------------------------------------

ئه گەر تە بڤێتن ببیە ماموستایەکێ سەرکەڤتی، پێدڤیە لایەنێ کێم ئەڤ سیفەتێن خارێ لنیک تە و دکەسایەتیا تەدا هەبن :

1.ری خوش هەڤال دوست بی: ئیک ژسیفاتێت ماموستای ددەمێ گوتنا وانێ دا بریەکێ گەش وخوش دگەل قوتابیان باخڤیتن، دیسان وەکی هەڤال سەردەریێ دگەلدا بکەتن، برەنگەکێ قوتابی هێزا هندێ هەبیتن کێشە وگرفتێت خو دگەل ماموستایدا راوێژ بکەتن بێی ترس ودوو دلی.

........................................

2.کەسایەتی: یا پێدڤیە ماموستایی کەسایەتیەکا باش هەبیتن، باشیا کەسایەتیا ماموستایی باشتر سەرنجا قوتابییان بخو رادکێشیتن ودبیتە ئەگەرێ هندێ باشتر قوتابی ب ماموستای و وانێ ڤە بهێتەگرێدان، دڤێ چەندێ دا قوتابی زێدەتر مفای وەردگریتن دوەرگرتنا زانیاریاندا، کەسایەتییا ماموستای یاگرێدایی یە ب سەرەدەری وشێوازێ وانەگوتنێ وهەروەسا کومەکا تایبەتمەندیێن وەکی کاروبار.....هتد.

........................................

3.ئاستێ پەروەرەیی و زانستی: ئێکە دیترە ژسیفاتێن زور گرنگ وبنەرەتیێن کارێ ماموستاییێ ئاستێ پەروەردەیی وزانستیێ ماموستایە، مەزنی وئاستێ ماموستای دهەمی دەماندا ئەو پەروەردە وزانستە ئەوێ دناڤ سنگێ ویدا کومڤەبووین وکومکرین، ئەڤ چەندە هەر بدەمکێ زور کێم ژلایێ قوتابی ڤە دهێتە هەستکرن، وەکی دیار کارێ ماموستای پەروەردە وگووتنا وانێ وگەهاندنا زانیاریانە، ئەگەر ئاستێ وی یێ زانیاری وپەروەردەی یێ لاوازبیتن بهیج رەنگەکێ دشیاندا نابیتن مروڤەکێ تەندروست پێ بگەهینیتن بو وار وارگەهی.

.........................................

4.شیانێن راوێژ وگفت وگوو(مناقش)ێ: ماموستایێ سەرکەڤتی پێدڤیە هونەرێ ئاخفتنێ هەبن وئاخفتنکەرەکێ باش بیتن، ئاستێ دەنگی وتەکتیکا دەنگی ژئەگەرێن سەرکەڤتنا ماموستاینە بوگەهاندنا زانیاریان بقوتابیان.

..........................................

5.هونەرێ گوهداری کرنێ: سەرەرای شیانێن ئاخفتنێ، ماموستا پێدڤیە گوهدارەکێ باش ژی بیتن بو هەمی وان پرسیار ورەخنە وپێشنیارێن قوتابیان، پێدڤیە شیانێن چارەسەرکڕنا وان کێشەیان ژی هەبن.

...........................................

6.میزاج وتەحمول: ماموستایێ سەرکەڤتی گرنگە شیانێن تەحمولێ هەبن لدمەمێ وانەگوتنێ دا، نابیتن چاڤەرێی هەمان ئاست وشیان وسەردەریێ بیتن ژقوتابیێ خو چونکێ ئەو لژیەکێ جیاوازن وچێدبیتن هندەک جاران(هندەک قوتابی) سەردەریەکا نەیا گونجای وبێزارکەر ئەنجام بدەتن، بلێ یا گرنگە ماموستای شیانێن تەحمولا فان جورە سەردەریان ژی بکەتن وبمیزاجەکا بئارامی چارەسەریێ بو ببینیتەڤە.

...........................................

7.رێزگرتنا قوتابی: یا پێدڤیە ماموستا رێزێ ل بیروباوەر ودەربرینا جودایا قوتابی بگریتن، لدەمێ قوتابی بوچونا خو لسەر بابەتەکێ دەردبریتن نابیتن ماموستا پێکولا شکاندنا کەسایەتیا قوتابی بدەتن یان بتوندی بەرسف بدەتن، بەلێ پێدڤیە بشێوازێ دیالوگ، شیکار وهەلسەنگاندن بو بوچونا قوتابی بکەتن وئەگەر ئەو بووچون خەلەت ژی بو دشیاندایە ماموستا برەنگەکێ نەرم وجوان وزانستی قوتابی تێبگەهینیتن ژراستی ودرستییا بابەتی، لدەمێ ماموستا رێزێ لبیروباوەرێن قوتابی دگریتن برامانا هندێ دهێتن کو ماموستا رێزێ لجهوەر وهەبوون وکەسایەتییا قوتابی دگریتن، بفی رەنگی قوتابی هەست ب رحەتی ومرتاحی وئازدییەکا پتر دکەتن دناڤ پولێ دا کو بشێت تێبینی وبووچونێت خو لسەر بابەتی پێش چاڤ بکەتن، بڤێ پروسێ سەرئەنجام قوتابی فێری وێ چەندێ دبیتن رێزێ ژرەی وبووچونێت جودا بگریتن هەم دناڤ پولێدا هەم ژدەرڤە ودژیانا خویا روژانەدا.

.........................................

8. بەشداری پێکرنا هەمی قوتابییان دپولێدا: بهیج رەنگەکێ نابیتن ماموستا بتنێ هەمی دەمێ وانێ ئاخفتنکەرێ پولێ بیتن وقوتابی بەس ئەرکێ وی گوهداری کرن بییت، ئەڤ چەندە دبیتە ئەگەرێ بێزاری وماندیبوونا قوتابی حەتا وی رادەی سەرنجا قوتابی بئیک جار لسەر وانێ نامینیتن.

ژ ئاماده کرنا ماموستا : سنور عدنان نێروەیی