پێداویستیەکانی پێشکەشکردن و خاڵەکانی کێبرکێ بۆ پێشکەش کردنی خوێندنی باڵا (دبلۆمی باڵا و ماستەر و دکتۆرا) لە ناوخۆی ھەرێم :
مافپەروەر کامۆ خدر
بو پێشکەش کردن بۆ دبلۆمی باڵا و ماستەر و دکتۆرا لە ھەرێمی کوردستان بە پێویستم زانی پێداویستیەکان و چەند تێ بی نی یەک پێشوەختە بۆتان بنوسم بۆ ئەوەی دەست بە ئامادەکاریەکان بکەن.
بەشی یەکەم/پێداویستیەکان
١/بروانامە
بۆ دکتۆرا بروانەمەکانی (بەکالۆریۆس+ ماستەر) کە نمرەی معدلی لەسەر بێت (ڕەسەن + یەک کۆپی ڕەنگا و ڕەنگ)
بۆ دبلۆمی باڵا و ماستەر بڕوانامەی بەکالۆریۆس کە نمرەی معدلی لەسەر بێت (ڕەسەن + یەک کۆپی ڕەنگا و ڕەنگ)
٢/پێداویستیە کەسیەکان بۆ دبلۆم باڵا و ماستەر و دکتۆرا
أ/کارتی نیشتیمانی + کارتی زانیاری یان ڕەگەزنامە و ناسنامەی باری شارستانی +کارتی زانیاری(ڕەسەن + یەک کۆپی ڕەنگا و ڕەنگ)
ب/چوار وێنەی جەوازی ڕەنگا و ڕەنگ
٣/پێداویستیە زانستیەکان دبلۆم باڵا و ماستەر و دکتۆرا
أ/بڕوانامەی توانستی زمانی ئینگلیزی(تاقی کردنەوە نێودەوڵەتیەکان یان سەنتەری زمانی زانکۆ حکومیەکانی ھەرێم (ئەگەر ھەبێت) (ڕەسەن + یەک کۆپی ڕەنگا و ڕەنگ)
ب/کەسی دامەزراو نوسراوی لاری نەبوونی فەرمانگەکەی ھەبێت ( کاتی تەقدیمات پێویستە بیکەیت)
ج/بۆ دکتۆرا بڵاوبونەوەی توێژینەوەکان و داھێنانی زانستی + میلاکی خوێندنی باڵا پێویستی بەپشتگری دڵنیای جۆری دەبێت
د/بەڵێننامە ( کاتی تەقدیمات پێویستە بیکەیت)
ھ/کەس و کاری شەھیدان و جینۆساید پێویستە پشگری لە بەرێوەبەرایەتی شەھیدان بێن لە کاتی تەقدیم کردن مەرجە کەسی پلە یەکی شەھید بێت وەک کور یان کچ یان ھاوسەر/
بەشی دووەم/چەند تیبینیەک :
١/ئەو بەرێزانەی لەدەرەوەی وڵات بروانامەیان بەدەست ھێناوە پێویستە لەلایەن وەزارەتی خوێندنی باڵا و توێژینەوەی زانستی یەکسان کرابێت و بروانامەی بەنمرەی وەرگرتبێت
٢/مەرجە فەرمانبەر ٢ ساڵ خزمەتی لەسەر دواین بروانامەی (بەکالۆرێۆس + ماستەر) کردبێت بۆ کەسی دانەمەزراو پێویست بە خزمەت کردن لەسەر بروانامە ناکات
٣/ بۆ تەقدیم کردن بۆ دبلۆمی باڵا رەچاوی نمرە ناکرێت
٥/ بۆ تەقدیم کردن بۆ ماستەر کورسی (گشتی +پارالێل+شەھیدان) نابێت نمرەی بەکالۆرێۆسی لە ٦٠ کەمتر بێت جگە لەبەشە پزیشکیەکانی(پزیشکی گشتی+ددان+دەرمانسازی) کە بۆ ئەم سێ بەشە رەچاوی نمرە ناکرێت
٦/بۆ تەقدیم کردن بۆ دکتۆرا کورسی (گشتی +پارالێل+شەھیدان) نابێت نمرەی ماستەری لە ٧٠ کەمتر بێت
٧/پێوستە پێشکەشکار لە پسپۆری خۆی بخوێنێنێت و خاوەنی بروانامەی ئەکادیمی بێت کەسێک کە بروانامەکەی بە پیشەی بۆ یەکسانکراوە مافی تەقدیم کردنی نی یە لەھەرێم
٨/لانی کەم تەقدیمات ٢٠ رۆژ بۆ مانگێک بەردەوام دەبێت جیاوازی نی یە رۆژی یەکەم تەقدیم بکەیت یان رۆژی کۆتایی بۆ پێویست ناکات پەلە بکەیت
٩/لەدوای تەقدیمات لە مانگی ٥ تا ٨ پرۆسەی( تاقی کردنەوەی توانستی زانستی و گەرانەوەی ناوەکان بەشێوەی سەرەتای و پەڵپ (اعتراظ) لە کاتی بەدڵ نەبونی ئەنجامەکان و راگەیاندنی ناوەکان بفەرمی )دەبێت
٩/مانگی ٩ دەست بەخوێندنی ئەکادیمی دەکرێت
١٠/سەرجەم کورسیەکان بە کێبرکێ بەدەستدەھێنرێت کورسی تایبەت بۆ ھیچ وەزارەت و کەسێک تەرخان نەکراوە
١١/ خوێندن لە بەیانیان دەبێت
بەشی سێیەم/کێبرکێ کان
دبلۆمی باڵا کێبرکێ لەسەر ٨٠ خاڵ دەبێت(گشتی +پارالێل)
١/ نمرەی بروانامەی بەكالۆرێۆس ٥٠ خاڵ
٢/تاقی کردنەوەی توانستی زانستی ١٥ خاڵ
٣/توانستی زمانی ئینگلیزی ئەگەر ھەبێت ١٥ خاڵ
ئەوانەی دبلۆمی باڵای یەک ساڵەی ئەکادیمیان ھەیە
ماستەر کێبرکێ لەسەر ٧٠ دەبێت(گشتی +پارالێل)
١/ نمرەی بروانامەی بەكالۆرێۆس ٤٠ خاڵ
٢/تاقی کردنەوەی توانستی زانستی ١٥ خاڵ
٣/توانستی زمانی ئینگلیزی ئەگەر ھەبێت ١٥ خاڵ
ئەوانەی دبلۆمی باڵای یەک ساڵەی ئەکادیمیان ھەیە نمرەی پێشکەش کردنیان بەم شێوەیە دەبێت
بەكالۆرێۆس سەدا ٤٠٪ دبلۆمی باڵا سەدا ٦٠ ٪دەبێت
دکتۆرا کێبرکێ لەسەر ١٣٥ خاڵ دەبێت(گشتی )
١/توانستی زمانی ئینگلیزی ئەگەر ھەبوو ١٥ خاڵ
٢/تاقی کردنەوەی توانستی زانستی ١٥خاڵ
٣/نمرەی بەكالۆرێۆس ٤٠خاڵ
٤/تێکرای نمرەی ماستەر ٣٠ خاڵ
٥/بڵاوکردنەوەی توێژینەوە و داھێنانی زانستی ٢٥ خاڵ
٦/پرۆسەی دڵنیای و جۆری ١٠ خاڵ
دکتۆرا کێبرکێ لەسەر ١٢٥ خاڵ دەبێت(پارالێل)
١/توانستی زمانی ئینگلیزی ئەگەر ھەبوو ١٥ خاڵ
٢/تاقی کردنەوەی توانستی زانستی ١٥خاڵ
٣/نمرەی بەكالۆرێۆس ٤٠خاڵ
٤/تێکرای نمرەی ماستەر ٣٠ خاڵ
٥/بڵاوکردنەوەی توێژینەوە و داھێنانی زانستی ٢٥ خاڵ
کەس و کاری شەھیدان و جینۆساید ناچنە کێبرکێ تەقدیم کردن تەنھا مەرج ئەوەیە لەتاقی کردنەوەی توانستی زانست دەربچن بەلام دواتر ئەوانەی فەرمانبەرن لە فەرمانگەکەیان دەچنە کێبرکێی مۆلەتی خوێندن ،کەس و کاری شەھیدان و جینۆساید پێویستە پشتگری لە بەرێوەبەرایەتی شەھیدان و ئەنفالکراون بێن لە کاتی تەقدیم کردن مەرجە کەسی پلە یەکی شەھید بێت وەک کور یان کچ یان ھاوسەر
بەشێوەکی گشتی ئەوە پێداویستی و مەرجەکان دەبن بۆ تەقدیم کردن ھیوادارم سودی ھەبێت.
ئامادەکردنی : مافپەروەر کامو خدر